Cordial bainvegni!

Vus consultais probablamain questa pagina-web, perquai che Vossa figlia u Voss figl frequenta l’onn proxim questa scola. Sco che Vus savais forsa, n’èsi en il Tessin per regla betg pussaivel da tscherner la scola per ils agens uffants: las scolaras ed ils scolars futurs ston frequentar la scola da l’atgna regiun da domicil.  

Vus chattais qua numerusas infurmaziuns nizzaivlas e las modalitads necessarias per entrar en contact cun la scola.

A la fin da mintga pagina chattais vus ils contacts da la sedia e da la direcziun che As stat gugent a disposiziun per ulteriuras infurmaziuns e per rispunder a Vossas dumondas. Sche Vossa figlia u Voss figl ha per exempel gia cumenzà la scola media en in auter chantun svizzer u en in auter pajais, pudais Vus As drizzar a la direcziun u al secretariat per As infurmar davart las equivalenzas dals attestats.  

La scola porscha in «corso per alloglotti», damai in curs per tut las studentas ed ils students da la Svizra u da l’exteriur che abiteschan en il Tessin, ma che na discurran betg talian. Ina persuna impurtanta che fa part da la vita quotidiana da las studentas e dals students, è il scolast da classa ch’è era la persuna da referiment per la communicaziun cun la famiglia.

Vus chattais ultra da quai numerusas infurmaziuns nizzaivlas sin la pagina-web da la Sezione dell’insegnamento medio del DECS (il departament d’educaziun, cultura e sport da la republica e dal chantun Tessin).